TATLONG oras lamang ang naging tulog ni Sybilla dahil nakatanggap ng tawag mula sa ospital si Mathias. Hindi niya gaanong pinakinggan ang mga sinasabi nito sa telepono dahil nahihimbing pa siya. Nagising lang siya na yugyugin ni Mathias ang kanyang balikat at pilit siyang pinapabangon.
“We have an emergency. Two members of the First Family were involved in an accident or an assassination plot—hindi ako sigurado. They are in critical condition. They’re ten minutes away from the hospital. Kailangan ay naroon tayo.”
“Pati ako?” Pupungas-pungas na tanong ni Sybilla. Bumaba siya sa kama.
“You have extensive trauma training,” pormal na sabi ni Mathias habang naglalabas ng mga damit sa cabinet. Ibinato nito sa kanya ang isang kamiseta at boxer shorts. Kasasalo lamang niya ng mga iyon nang ibat
