Umihip ang malakas at malamig na hangin na panggabi. Sa tantiya niya ay babagsak din ang malakas na ulan. Swerte na lang na mayroong dumaang tricycle, agad niya itong tinawag at nagpahatid siya sa hacienda. Saktong pagsakay niya ay bumagsak ang nagngangalit na ulan.
Nangangalahati palang siya ng daan patungo sa hacienda ng tumigil ang tricycle, dahil sa putik na nanggaling sa sirang daanan. Walang nagawa ang driver nito kundi ang bumalik. Siya man ay wala na ring nagawa kundi bumaba at sumulong sa malakas na ulan. Ang box ng buko pie na dala niya ay tuluyan ng nasira kaya kinain na lang niya ang laman dahil kanina pa siya nagugutom.
Mabuti na lang at sa tapat ng shortcut na daan huminto ang tricycle. Kaya't dito na siya dadaan pauwi. Ang daan na ito ay boundary ng Hacienda Avila at Haci
