Aligaga na si Angelo. Wrong move. Hindi siya dapat kay Amber Ongpauco humingi ng tulong. Parang napakairesponsable, walang pakialam. Ano'ng oras na? Alas-kuwatro na! Ang masaklap, hindi siya makakilos dahil hinihintay niya ang plan of action na inaasahan niya kay Amber dahil um oo ito sa kanya.
Pero wala.
She just wanted to know kung ilan ang bisita, saan ang mga iyon manggagaling at kung ano-ano ang laman ng ref at pantry niya. He texted them all to her, pero hindi naman sumagot. Hanggang ngayon, hindi pa nagte-text o di kaya ay tumatawag.
Makukumpromiso siya at imbes na nakapaghanda buong araw, maghapon siyang umasa kay Amber.
Damn that woman. Sinabihan pa siyang huwag tawag nang tawag.
Ibang klase. Wala pang ibang nakapagsabi sa kanya ng ganoon, maliban na lang 'yong anak ng ex ni
