MAAGANG NAGISING si Brenna kinabukasan. Bago pa lang sumisikat ang araw. Paglabas niya ng silid ay wala siyang nakita ni isa sa mga kasama niya. Baka natutulog pa ang mga ito.
Sinulyapan niya ang pinto ng katabing silid kung nasaan si Saga. Naisip niyang katukin ito pero baka maistorbo niya ang pagpapahinga nito kaya hindi na siya tumuloy. Nagpunta siya ng kusina para magtimpla ng tsaa at naabutan niyang nagluluto si Tita Marissa. Naroon din si Aling Cora na kasalukuyang naghihiwa ng gulay.
Nakita niyang napaismid ang ginang nang makita siyang pumasok. Samantalang ang huli ay ang lawak ng ngiti.
"Good morning po, Tita, Aling Cora." Nakangiting bati niya.
"Kumusta ang tulog mo, anak?" Tanong ng matanda.
"Ayos naman po."
"Ikaw na ang magtuloy ng niluluto ko, Cora. Biglang sumama ang ti
