TWENTY-TWO
"KUMUSTA ANG bakasyon?" Tanong ni Sheryll. Inilapag nito ang tasa ng tsaa sa mesa niya at naupo sa silyang nasa harap niya. Nang tingnan niya ito ay may nakakalokong ngiti ito sa labi.
Kahapon lang sila nakabalik ng Manila at sa condo na siya dumiretso. Ngayong araw naman ay kababalik niya lang sa trabaho. Kaya ngayon lang siya inuusisa ng kaibigan.
Ikinuwento niya kasi dito ang tungkol sa kanila ni Saga. Wala siyang mapagsabihan dahil busy sa kanya-kanyang trabaho ang mga pinsan niya. May tiwala naman siya kay Sheryll kaya sinabi niya. Pero hindi kasama do'n ang nakaraan nila.
Humigop muna siya ng tea bago ito sinagot. "Okay lang. Masaya." Patay-malisya niyang turan habang ang atensyon ay nasa nirerebisang papeles. Report 'yon ng expenses ng mga materyales na in-import nila
