NATIGIL SI Brenna sa pagsasalita nang muling umilaw ang telepono niya na nasa ibabaw ng conference table. Naka-silent 'yon kaya walang sound pero halos minu-minuto naman 'yong umiilaw.
Nasa harap siya ng board members at kasalukuyang may idini-discuss.
"Hindi mo pa ba sasagutin 'yan, Miss Silvestre? Naiistorbo na ang meeting na 'to dahil sa minu-minutong pag-ilaw ng telepono mo. Isa pa ay mukhang wala naman ang buong atensyon mo sa silid na ito. So you might as well deal with whoever is calling you," saad ng isa sa miyembro ng board.
Hindi siya nagsalita at dinampot ang telepono na hanggang ngayon ay umiilaw at naka-rehistro sa caller ID ang numero ni Saga. Alam niyang nakatingin ang lahat sa kanya at pinapanood ang gagawin niya. Natutukso siyang sagutin 'yon pero naisip niya ang posisy
