"HERE'S TO a very happy engagement and a lifetime of love!" Masayang sabi ng isang lalaki at itinaas sa ere ang hawak nitong wine glass.
Ginaya naman 'yon ng mga guests at pagkatapos ay pinag-umpugan ang mga baso para sa isang toast.
Sinubukan ni Brenna na igalaw ang mga paa niya para umalis sa lugar na 'yon. Pero animo'y nawalan siya ng kontrol sa mga paa niya. Kahit ang tingin niya ay hindi maalis sa dalawang tao na nasa entablado. Abot-tainga ang ngiti ng babae habang ang lalaki ay naka-poker faced lang.
I stands for Ivana and S is Saga… Kaya pala initials lang ang nakalagay sa invitation. Naiintindihan na niya. Gusto ng mga ito na makita niya mismo na masaya ang mga ito. Samantalang siya ay miserable.
Pinanood niya lang ng tumayo si Ivana at kunin ang mic. Pagkatapos ay pinasalamat
