TAHIMIK lang si Brenna habang nakikinig sa kuwentuhan ng mga pinsan niya. Dinalaw siya ng mga ito sa ospital at nagkasundo din ang mga ito na hintayin na ang paglabas niya. Ngayong araw na kasi siya nakatakdang lumabas dahil ayos na ang lagay nila ng baby at para nga makasiguro ay inulit pa ang ultrasound kanina.
Silang lima lang ang nasa silid dahil kasalukuyang nasa billing section ang mommy niya para bayaran ang lahat ng bills. Ang daddy naman niya ay pumasok na sa opisina. Si Tita Marissa naman ay hindi na bumalik.
Kasalukuyang pinag-uusapan nila Yvone ang reunion na gaganapin na sa makalawa. Plantsado na ang lahat ng plano. Silang lima kasama si Kass ay may kanya-kanyang papel na gagampanan para talagang mag-work ang plano. Hindi na nila ipinaalam sa iba nilang pinsan ang plano dah
