"KUMUSTA na sila, 'Nay?" Tanong ng humahangos na si Saga sa ina. Nadatnan niya ito sa loob ng pribadong silid na inookupa ng mag-ina niya.
Agad siyang lumapit sa kamang hinihigaan nito at mataman itong tinitigan. Mahimbing pa itong natutulog. Napasulyap siya sa isang bahagi ng silid ng maramdaman niyang parang may nakatitig sa kanya. Saka niya napagtanto na hindi lang pala sila ang naroon. Nando'n din ang mommy ni Brenna.
Tipid itong ngumiti ng tumingin siya samantalang hindi niya malaman kung anong isasagot niya. Kaya sa huli ay tinanguan niya na lang ito.
"Okay na sila ng anak niyo. Kailangan na lang niya magpahinga at kinabukasan ay pwede na siyang umuwi." Pagbibigay-impormasyon ng ina sa kanya.
Para siyang nabunutan ng tinik sa narinig. Nasa opisina pa siya ng matanggap niya ang ta
