INILIBOT NI Brenna ang tingin sa bahay na nasa harapan niya. Halos kasinlaki na rin 'yon ng isang mansyon at ang disenyo ay nagpapahayag ng karangyaan ng pamumuhay ng taong nakatira do'n. She still can't believe that Isagani is living here.
Matapos tingnan ang labas ng bahay ay nagdesisyon na siyang mag-doorbell. Matapos 'yon ay ang awtomatikong pagbukas ng malaking gate. Huminga siya ng malalim at pinaandar na papasok ang sasakyan.
Nang makababa ay dumiretso na siya sa front porch. Sa 'di kalayuan ay may natanawan siyang isang babae na nagdidilig ng mga halaman. Sa bihis nito alam niyang hindi ito isang katulong doon. Wala siyang makitang ibang tao doon kaya napagdesisyonan niyang kunin ang atensyon ng babaeng nakatalikod. Tumikhim siya nang makalapit dito. Pero mukhang hindi siya narin
