"BAKIT ka nga pala nag-resign bilang talent ni Momshy?" Tanong ni Yvette pagkaraan. Nang mapagod sa paglalakad ay naupo sila sa silyang kahoy na nakita nila. Hindi na niya alam kung saan sila nakarating dahil nalibang sila sa paglalakad-lakad. Pero nasisiguro niyang hindi pa sila masyadong nakakalayo at sakop pa rin ng Barangay nila ang kinaroroonan.
"Si Ate Almira ang nagpasok sa'kin para maging talent. Pero hindi ko alam kung paano niya nagawa." Kibit ang balikat na turan nito.
Napaisip siya. Hindi kaya kasabwat si Momshy Vodka ni Almira? Wala sa sariling napailing siya dahil sa naisip. Pitong taon na niya itong kasama at sa mga panahon na 'yon ay inalagaan siya nito ng mabuti. Wala itong ginawa na ikapapahamak niya. Siguado siyang wala itong alam.
"Anong iniisip mo?" Untag sa kanya n
