THALIA POV
Halos isang linggo rin akong nanatili sa dating bahay nila Mama kasama si Tita. Panay lang ang text ko kay Caspian, at nagpapasalamat ako dahil naiintindihan niya ako sa sitwasyon ko.
"Uuwi ka na ba, hija?" tanong ni Tita nang bumaba ako sa sala.
"Opo, Tita. Kung magmumukmok lang po ako dito, wala rin pong mangyayari. Mas lalo ko lang pong mamimiss si Mama," sagot ko.
Tumango naman siya saka ngumiti. "Tama 'yan, Thalia. Magpalakas ka at magpakatatag," sabi niya.
"Saan ka nga pala uuwi?" tanong niya ulit.
Napahinto naman ako sa tanong niya. Dapat ko bang sabihin na may asawa na ako at doon ako nakatira, o hindi pa muna? Hindi pa naman ako sigurado kung si Caspian na ang makakasama ko habang buhay.
"Ahmm, may apartment po ako malapit sa hospital ni Mama, Tita. Doon po ako
