Gustong sumunod ni Rick sa hospital. Pero bago pa man niya magawa iyon pinigilan na siya ni Aling Mering.
"Umalis ka na kung kailangan mong umalis, Rick. Mas mabuti sigurong huwag mo na lang siyang paasahin at sasamahan kung sa huli, sasaktan at iiwanan mo rin lang. Tama na ang pasakit, Rick. Itigil mo na ang pagpapahirap mo sa kalooban ni Alex," sabi nito bago siya tuluyang iwanan.
Bagsak ang balikat niyang bumalik sa bahay. Nakaupo siya sa sofa at pinaglalaruaan ang daliri. Hindi niya magawang umalis na lamang. Nagbabakasakali siyang may tumawag isa man kila Manong Dado o Nanay Mering. Gusto niyang malaman ang kalagayan ni Alex.
"Bakit, Rick. Nakukunsensiya ka ba? Hindi ba kaya ng kunsensiya mo ang makita ang asawa mong naghihirap? Nasasaktan?" usig ng kanyang kunsensiya. Napahilamo
