"Nay, iyon po bang cake na-order na ninyo? Ano pa po ba ang kailangan nating iluto na mga paborito ni Rick?" masiglang tanong ni Alex. Nasa kusina sila ni Nanay Mering at hindi magkandaugaga sa paghahanda kahit sila-sila lang naman at walang bisita.
Napagpasyahan nilang sila na lamang ang magse-celebrate kung ayaw ni Rick ng magarbong selebrasyon. Basta sana ay mapagbigyan siya nito. Sa huling pagkakataon.
Sinunod ni Nanay Mering ang lahat ng utos ni Alex kahit alam niyang malabo naman na sisipot si Rick. Pati kasi siya ay umaasa na darating ang among lalaki kaya lahat ng hilingin ni Alex ay malugod niyang pinapaunlakan.
Isa pa, maganda ang mood ni Alex at ayaw niyang sirain iyon, lalo na at umagang umaga. Pero sa kaloob-looban niya ay ang awa para sa babaeng nasa kanyang gilid, dahil
