Pagkatapos ng pangyayari kanina. Muling nakatulog si Alex dahil tinurukan ng pampakalma. Dumating na rin agad sina Nanay Mering para bantayan siya
Kahit ayaw umuwi, napilitan si Rick na umalis dahil sinabihan siyang baka ma-trigger na naman si Alex kapag nakita siya. Sariwa pa ang sugat na dala ng pagkawala ng anak nila at maaring siya ang sinisisi nito sa pagkawala ng baby.
Pero gusto niyang manatili, gusto niyang damayan si Alex. Gusto niyang naroon siya sa pinakamahirap na oras ng buhay nito. Gusto niyang naroon siya at iyon ang ipinagpipilitan niya.
"'Di ba nga dapat masaya ka na? Wala nang panghahawakan sa iyo si Alex kaya malaya ka na. Kaya bakit mo ipagsisiksikan ang sarili mo ngayon. Bakit ngayon mo gustong damayan siya eh noong buntis siya 'di mo kayang samahan at iniwan lang
