"Himala ka best, nag-aya kang mag-bar ngayon ah!"
Ngumiti lamang si Alex sa puna ni Annie, ngayon lang talaga siya nag-ayang lumabas. Gusto niya lang makalimot kahit saglit. Alam niyang may sarili itong problema pero nagpapasalamat siya at sinamahan siya nito.
Kasalukuyan din siyang nakatira ngayon sa shop nila dahil iniimbestigahan pa kung saan galing ang sunog. Malaki rin ang pinsala kaya hindi pa talaga sila makababalik. Laking pasasalamat na lamang niya at hindi nadamay ang lugar niya. Naagapan naman agad at hindi na talaga nakapinsala ng mas malaki pa sa iba ang nangyaring sunog.
Mas malaki nga lamang ang pinsalang meron siya sa kanyang puso kaya gusto niyang buhusan ito ng malamig at masarap na alak. Hindi masyadong alam ni Annie ang nangyari sa kanya sa probinsiya at ngayon, ang
