Masayang sinalubong ni Nanay Mering si Alex. Gaya ng mag-asawang Sebastian, napakainit nang muli nilang pagtanggap kay Alex. Na-miss niya ang among babae. Sa loob ng limang taon, hindi niya kailanman niwaglit sa isip si Alex. Lalo na sa araw-araw na panalangin ng matanda.
"Gumanda ka lalo, Alex!" ani Nanay Mering at muli siyang niyakap nito. Tuwang-tuwa na yumakap pabalik si Alex.
Na-miss niya rin naman ang mga ito. Naging pangalawa niya kasing ina si Nanay Mering maliban pa sa babaeng Sebastian.
"Doon tayo sa likod. Mare-relax ka doon panigurado," aya ng kanyang biyenan. Kumapit ito sa kanyang braso kaya magkasabay silang nagtungo roon.
Laking gulat at tuwa niya nang bumungad sa kanya ang isang hardin na napupuno ng ibat-ibang klase ng tanim na namumulaklak. Sa gilid ay mga puno naman
