Napasabunot sa kanyang buhok si Rick habang kaharap ang isang baso at katabi nito ang bote ng Rum. Nasa maliit siyang bar sa bahay nila. Nagsalin muli siya matapos niyang inumin ang nasa baso. Napapikit siya sa paghagod ng mainit na likido sa kanyang lalamunan, kasabay ng pag-flashback sa kanyang isipan ang mainit na luha ni Alex. At ang paghagulgol nito kanina na pinanood niya lamang.
Napahigpit ang hawak niya sa baso. Pakiramdam niya ay may tumatarak rin na kutsilyo sa kanyang dibdib. Hindi lang para kay Alex, kundi para na rin kay Keila. Kung noon ay siguradong sigurado siya sa taong gusto niya, ngayon, aminado siyang naiipit na siya sa kung ano ba talaga? Sinasabi ng isip niya na si Keila ang nararapat sa kanya. May pangako siya kay Keila. Si Keila ang babaeng pinaghihintay niya. Si K
