Lutang ang pakiramdam ni Alex habang inaayusan siya ni Yssa. Isang linggo ang nakalipas nang magtagpo ang landas ng mag-amang Chester at Lexter. Hindi na naitanggi ni Annie ang lahat, ngayon nag-uusap ang dalawa sa set-up nila. Hinayaan rin ni Annie na mag-bond ang mag-ama at mas kilalanin pa ang isa't isa.
Ngayon, problema naman niya ang kahaharapin. Ngayon ang photoshoot na gaganapin kasama ang sikat na model na si Lorenz.
"Ang suwerte mo naman, Mam Xandra, makakasama mo si Lorenz!" Tila kiti-kiting kinikilig si Yssa. Napa-iling na lamang si Alex. Hindi siya masaya.
Gaya ng inaasahan niya, kasamang dumating ni Lorenz ang taong ayaw na niya sanang makaharap pa. Nagtagpo ang mga mata nila ni Rick ngunit agad siyang nag-iwas ng tingin.
"Woah! So talaga ngang ibababa na ni Miss X ang ka
