"Ricardo, kailangang kailangan ka ng asawa mo ngayon! Ikaw ang pinakakailangan niya sa pagkawala ng anak ninyo!"
Nabitawan niya ang kanyang telepono. Dinagundong siya ng matinding kaba sa dibdib. Nawala ang pinagbubuntis ni Alex? Nawala ang anak nila?
Wala sa sariling napatakbo siya sa kanyang sasakyan. Pinaharurut niya iyon papuntang hospital. Ni hindi na niya nagawang isuot ang seatbelt o pulutin ang nahulog na telepono.
Muli gaya ng pagpapalipad niya sa sasakyan, nang makarating sa hospital ay agad siyang bumaba sa kotse. Wala siyang pakialam kung nai-park niya ba ng maayos iyon. Basta tinakbo niya ang daan paloob.
"Miss, may pasyente kayong Alex ang pangalan. Alexandra Sebastian!" Natataranta niyang tanong kabado at hindi mapakali ang mga matang nagpalinga-linga.
"Sir?" hindi main
