"Mommy, lets play."
Munting tinig iyon na nanggagaling sa isang maliit na katawan. Kumakaway ito kay Alex habang tumatakbo. Nagpapahabol.
Hindi maliwanag ang mukha nito. Sa tuwing gusto niyang titigan ang munting paslit ay nasisilaw siya. Tila ba may ilaw na laging nakapaligid sa katawan nito.
Hinabol niya ito dahil patuloy sa pagtakbo. Hindi nito nakikita ang bangin sa harapan dahil nakabaling ang paningin sa kanya.
"Anak!" tawag niya sa bata. Pilit itong inaabot. "Huwag ka riyan, lumapit ka kay Mommy," natatakot niyang tawag dito. Pero patuloy ito sa pagtakbo. "Please, stop!" sigaw niya at napaluhod. Ipinikit niya rin ang kanyang mga mata dahil malapit na ang bata sa bangin. Alam niyang sa anumang oras ay mahuhulog na ito katulad ng dati. Hindi niya mapigilang umiyak.
Nang isang ha
