Nagising si Alex sa sunod-sunod na doorbell na tila ba nasusunugan ang building nila. Pupungas-pungas siya at talagang kalahating gising, kalahating tulog pa ang kanyang diwa. Masama ang pakiramdam niya dahil sa pagkabasa kagabi.
Muli siyang pumikit at binalewala ang tunog ng kanyang doorbell. Muling dumaan sa kanyang alaala ang nangyari kagabi habang nakukuta ang bawat eksena.
"Tantanan mo na ako!" Muli siyang naglakad palayo kay Rick. Hindi niya gustong makasama pa ito. Pagod na pagod na siyang masaktan ng dahil sa lalaki. Pinakawalan na niya ito ngunit, hanggang ngayon ay nasasaktan pa rin siya.
"I can't!" sigaw nito sa kanya. Sa ilang hakbang lang ay yakap na siya nito mula sa likod. "Hindi ko kayang gawin, Alex. Can you give us another chance? Can we start over again?"
Napapikit
