Hemira II 38 - Pagkabuko
~Hemira~
Kami'y nakarating na malapit sa isang na tahanan na gawa sa kahoy. Maganda ang pagkakagawa nito at mayroong nakasinding ilaw sa loob.
Nararamdaman ko na naroroon na sila ama sa loob.
Nauna si Euvan sa akin habang nakasampay sa kaniyang balikat ang isang patay na baboy ramo na hinuli niya kanina upang maging dahilan namin sa aming pagkawala sa tahanang iyon.
Sa may pintuan ay naghihintay na sa amin si Melba na bakas na bakas ang labis na pangangamba sa mukha habang tila mayroong hinahanap sa paligid.
Nang mamataan niya na kami ay nanlaki ang kaniyang mga mata at patakbong nagtungo sa amin kaladkad ang napakahaba niyang buhok. "Prinsesa Hemira! Euvan!"
Nang makalapit sa akin ay niyakap niya kaagad ako kaya naman napangiti ako.
Humiwalay na siya sa a
