"Saan ka pupunta? Hinahanap ni Zuri," sabi ni Karina. Lumingon ako sa kanya at napatingin sa paligid.
"Sa hospital," tipid kong sagot.
Hinawakan naman niya ako sa aking kamay. "Ang akala ko ba kakalimutan mo na siya. Bakit kailangan mo pang pumunta doon?" Inilis ko ang kamay niya na nakahawak sa akin tsaka ako huminga ng malalim.
"Sa huling pagkakataon, gusto kong makita siya. Wala naman akong balak na kausapin siya. Kaya hayaan mo na ako," sabi ko. Alam ko sa gagawin kong ito ay mas lalo lamang akong mahihirapang kalimutan siya. Pero ipinapangako ko na pagkatapos ng araw na ito ay hindi ko na siya babalakin pang makita.
"Gusto mo ba ng makakasama?" tanong niya na aking ikinangiti.
"Hindi na kailangan. Hindi naman ako magtatagal kaya ikaw na lang muna ang bahala kay Zuri," bilin ko sa
