Pagkauwi ni Angelo sa kanilang bahay, nadatnan niya ang ina niyang abala sa pagsasaayos ng mga paninda sa harap ng kanilang maliit na sari-sari store. Pawis na pawis ito pero hindi nawawala ang natural na sigla sa mukha, subalit may bahagyang lungkot sa mga mata, na parang may hinihintay na hindi dumarating.
Lumapit si Angelo at naupo sa lumang bangkong kahoy.
“Ma…” mahinahon niyang tawag. "Nasaan po si papa ba't wala dito?"
"Parang hindi ka naman sanay sa tatay mo na hindi mapirme dito sa bahay."
“May nakita po ako kanina, " wika niya sa ina.
Hindi lumingon ang ina pero huminto ang kamay sa pagtutupi ng supot ng asin. “Ano ‘yon, Angelo?”
“Si Kuya Hugo po…” Napakamot si Angelo ng batok. “Nakita ko siya sa presinto. Kausap niya si Major Morales.”
Doon pa lang napatingin ang ina sa a
