"Mga mahal naming manlalaro, hanggang dito na lamang ang ating biyahe. Dito na nagtatapos ang riles." Isang ngiti ang iniwan sa kanilang lahat ng pahinante. Pagkatapos niyon ay isa-isang nagsibukasan ang mga pinto ng tren.
"Maaari na po kayong bumaba. Sana'y naging kumportable kayo sa inyong naging biyahe."
Isa-isa nang nagsibabaan ang mga manlalaro. Tiningnan niya ang oras sa malaking screen sa unahan ng tren. Eksaktong alas dose ng madaling araw ang isinasaad niyon. Tumayo na rin at nagtungo sa pintuan.
"Nawa'y mapasaiyo ang swerte," bulong sa kaniya ng pahinante. Saglit niya itong nilingon ngunit tumalikod na ito at pumasok sa isang maliit na kuwarto. Tingin niya ay iyon ang kuwartong nagkokontrol sa kabuuan ng tren. Tuluyan na siyang lumabas mula roon, at sumalubong sa kaniya ang ka
