NAGING abala sa trabaho si Eli kinabukasan. Bukod sa mga narratives at memorandums na ginagawa ay busy ito sa pagpaplano ng event na gaganapin dalawang linggo mula ngayon. Tinatapos na rin niya ang final copy ng programme na gagamitin sa pagdiriwang na kailangan niyang ipasa bukas kay JC.
Hindi na rin nakasabay ng lunch si Eli sa kanyang mga kaibigan. Mas minabuti na lang niyang kumain muna sa loob habang nagtatrabaho kasama si Leo na siya ring abala sa sariling ginagawa. Lahat ng departamento sa kompanya ay hindi rin magkanda-ugaga sa pagtapos ng mga gawain nila. Matapos kasi ang nangyaring meeting ni JC kahapon sa mga department heads ay hindi na pinalampas pa ng CEO ang mga anomalyang nangyayari sa mga ito.
“This one’s a copy paste,” saad ni JC sa harapan ni Mr. Velasquez, “Damn, do
