DUMATING ang araw ng event na gagawin para sa Founding Anniversary ng Montenegro Empire, at ng anibersaryo ng Choco Industry. Sabado pa lang ay marami na ang bisitang nagdaratingan sa M.Hotel para sa pagdiriwang. At saksi roon si Eli dahil kasama siya ni JC sa pag-welcome sa mga ito.
Ilang araw matapos ang nalaman ay nagpatuloy sa pagtatrabaho si Eli. Ngunit nagpasya rin siya na mag-resign pagkatapos ng buwang ito. Mula noon ay naging mailap na siya sa amo. Tuwing sa oras na lamang sila nagkakausap dahil sa nangyari. Tila ba nakaramdam ng malaking pader sa pagitan nila si JC dahil sa pagiging aloof ng dalaga sa kanya.
“May isusuot ka na ba para mamaya?” tanong ni Leo sa dalaga habang inaasikaso ang mga bisitang paparating.
“H-ha? Kailangan pa ba no’n?”
“Aba, siyempre,” natatawang s
