NAPUNO ng bulungan ang buong event hall matapos ang anunsyong iyon ng matanda. Maya-maya pa ay napalitan iyon ng malakas na palakpakan ng bawat isa sa mga bisita. Agaw pansin din ang pagpasok nina Jayden at Annica habang nakangiting kumakaway sa mga taong naroon.
Kagaya ng pamilyang Montenegro ay hindi rin nakagalaw si Eli sa kanyang kinaroroonan habang sinusundan ng tingin ang binatang naglalakad. Napako ang tingin niya sa dalawa habang pilit na pinipigilan ang pangingilid ng luha sa magkabila niyang mata.
“A-ano’ng nangyayari?” gulat na tanong ni Cindy atsaka mabilis na tumingin sa dalaga, “H-hindi ba’t si A-Aiden ang lalaking iyon?”
“Siya ang CEO ng Montenegro Choco Industry na inakala nating patay na,” wika ni Leo, “siya si Jayden Clark Olivares Montenegro.”
Laglag ang panga ng
