MABILIS na lumipas ang ilang mga araw para kay Eli. Isang buwan na rin ang nakaraan nang magsimula itong magtrabaho bilang secretary ni JC. At magmula ang nangyaring iyon sa pagitan nila ni Eunice ay hindi na muling nagpakita o nagparamdam pa ng hindi magandang kilos si Eunice dito.
Para sa kanyang unang sweldo, nakatanggap ng malaking halaga ng sahod si Eli mula sa kompanya. Hindi siya makapaniwala sapagkat tila ba triple pa sa sahod niya dati sa factory ang natanggap niya sa pagiging sekretarya. Nang makauwi ito noong sabado ay kaagad niyang binayaran ang utang ng kanyang mga magulang sa iba’t iba nitong mga pinagkakautangan. Malaki ang nabawas sa mga utang ng dahil sa unang sahod ng dalaga.
Ngayon ay araw ng Linggo. Nagdesisyon si Eli na bumili ng stocks at bagong mga kagamitan para
