Panibagong araw na naman ang dumating at balik-trabaho ang dalaga. Hindi niya nakasabay ngayong araw si Jackie sapagkat hindi iyon pumasok dahil sa masamang pakiramdam. Kaya naman heto at kasama niyang muli si Aiden na ang agang namemeste.
“Oh.” Inabot ni Eli ang isang daang piso kay Aiden. “Dating gawi, at kapag natuto kang maglaba ng damit mo, madadagdagan ‘yan.”
“Bakit kasi hindi pa tayo bumili ng washing machine kahapon – aray!”
“Paano kang matututo niyan kung puro asa ka sa mga machine machine na ‘yan?”
Sumimangot naman ang binata atsaka ibinulsa ang isang daang pera. “Pumasok ka na nga.”
Inismiran naman ito ni Eli. “Hindi man lang marunong magpasalamat ang mokong.”
“Are you saying something?”
“Wala! Hala sige, umuwi ka na!” pagtataboy pa kunwari ni Eli rito. Tinalikuran
