MAAGANG pumasok si Eli kinabukasan. Wala na si Aiden sa bahay nang magising siya ngunit naihanda na nito ang pagkain at mga kakailanganin niya sa pagpasok. Mag-isa lang din siyang pumasok dahil sinamahang muli ng binata si Mang Joaquin sa pangingisda.
Nang makarating sa kompanya ay kaagad na nagtungo si Eli sa opisina upang ihanda ang mga gagawin. Ngunit pagdating niya doon ay naabutan niya si Annica na nasa kanyang pwesto. Hindi kaagad nakapag-react si Eli dahil sa nakita. Sandali na napako ang kanyang paa sa kinatatayuan habang nakatingin sa kinalalagyan ni Annica.
Pagkuwa’y nilingon siya nito at bahagya pang nagulat nang makita ang dalaga.
“Oh, hi, Eli,” nakangiting bati pa sa kanya ng dalaga at kumaway pa sa kanya.
Naiilang naman na tumango si Eli rito. “G-good morning, Ms. Ann
