NAALIMPUNGATAN si Eli mula sa mahimbing na pagkakatulog dahil sa malakas na tilaok ng manok. Nakapikit na kinapa-kapa niya ang paligid at niyakap ang kanyang unan. Bahagya pa siyang nagtaka dahil sa tigas no’n ngunit hindi na niya iyon pinansin at mas sumiksik pa sa unan atsaka muling ipinikit ang kanyang mga mata.
“Tss. What a sleepyhead.”
Mabilis pa sa alas-kwatro na napamulat ng mata si Eli nang marinig ang pamilyar ng tinig na iyon. At doon ay bumungad sa kanya ang napakagwapong unan – este mukha ni Aiden. Nanlalaki ang mga matang napatakip ng bibig ang dalaga dahil sa sobrang lapit ng kanilang mga mukha.
Oh my god! Bakit narito sa kwarto ko ang lalaking ito? Ginapang niya ba ako?
“A-anong ginagawa mo rito?” anito habang nakatakip ang kanyang bibig, “Bakit nandito ka sa kwarto k
