Matapos ng mga pangyayari ay hindi na siya nagbalak pa na magpakitang muli kay Lola Virginia. Alam niya kung ano ang ikinagagalit nito dahil iyon sa pagkamatay ni Mauricio na kaisa-isa nitong anak at siya ang sinisisi nito sa nangyari.
Wala na siyang magagawa pa dahil nangyari na, hindi na niya maibabalik pa ang buhay na nawala. Ang tanging magagawa na lamang niya ay ang hintaying maglaho ang sama ng loob ng matanda. Kailangan lamang na lipasan ito ng panahon para unti-unting maibsan ang pagdadalamhati nito sa pagkawala ng anak.
Maging siya ay may lungkot sa kaniyang puso na hindi niya malaman kung paano niya susugpuin. Akala niya iyon na ang simula ng katahimikan at panibago niyang buhay ngunit hindi pala. Marami pa palang mga hindi magandang bagay na mangyayari.
Dagdag pa ang pag-iw
