Nakakabingi ang mga kabog sa dibdib niya nang mapatingin sa mga palad na may bahid ng dugo.
Mga dugo ni Mauricio..
Tila biglang bumagal ang ikot ng mundo maging ang galaw ng mga tao sa kaniyang paligid. Kaybilis ng mga pangyayari. Hindi siya halos makapaniwala.
Tanging tingin na lamang rito ang kaniyang nagawa habang dinadala ng ambulance ang walang buhay na katawan ni Mauricio. Kaybilis nitong binawian ng buhay sa kaniyang harapan.
Ang mga dugong iyon ang nagpapatunay na wala na sa mundo ang tunay niyang ama. Hindi niya maintindihan ang kaniyang nararamdaman nang mga oras na iyon. Hindi ba dapat magsaya siya dahil sa wakas ay wala na ang taong sumira ng buhay niya?
Diba't iyon ang nais niyang mangyari noon ang makaganti rito at pagbayaran ang kasamaang ginawa nito sa kaniya? Ang mawa
