My forever Johnny

                Maaga nagising si Brielle ng umagang iyon dahil ito ang araw na susunduin nila ng kapatid niyang si Baste ang kanilang Ama na galing sa ibang bansa. Kaya naman maaga niyang sinimulan ang pagluluto ng kanilang almusal na magkapatid. Isa-isa niyang inilabas mula sa Refrigerator ang kaniyang lulutuin at pagkuwa'y niluto na ang mga ito.           Palaging ganito ang kanyang gawain tuwing umaga simula ng umalis ang kanilang ama upang magtrabaho sa ibang bansa. Bata palang kasi sila ni Baste ay naulila na sila sa Ina dahil maaga pumanaw ang kanilang Ina dahil sa isang Aksidenteng kinasangkutan nito.          Kaya simula noon tanging ang ama lang nila ang umaaruga sa kanila. Hindi man kompleto ang kanilang pamilya ay masaya naman silang magaama dahil hindi naman nagkukulang ito sa pagsuporta ng kanilang pangangailangan. Pati ang pagaalaga nito sa kanilang dalawa ni Baste ang nakababata niyang kapatid.          Ngunit isang araw ay kinausap silang magkapatid upang ipaliwanag sa kanila ang gagawin nitong pagalis papuntang ibang bansa. Noong simula ay tila mahirap para sa kanila na tanggapin ang naging desisyon ng ama ngunit di naglaon at unti-unti na niya itong tinangap ngunit hindi ang kanyang bunsong kapatid sampung taong gulang pa lamang ito noon at siya naman ay labing anim na taon at magaaral na siya sa kolehiyo.          Kaya tila mahirap pa para sa kanya ang ganoong sitwasyon ngunit simula ng makaalis ang kanilang ama ay sinanay na siya ng kanilang tita venus sa gawaing bahay pati ang pagaasikaso niya sa nakakabatang kapatid. Nangangapa pa siya noong una ngunit hindi nagtagal ay nasanay narin siya at napabuti pa iyon dahil tumaas ang kanilang Marka sa eskwela kaya naman tuwing ibabalita nila sa kanilang ama ang kanilang grado ay tuwang tuwa ito.          kapag kasi tumataas ang kanilang grado sa eskwela ay dinadagdagan nito ang allowance nila sa eskwela at may bonus pa dahil nabibili rin nila ang naisin. naging magaan parin ang kanilang buhay kahit na nawala ang kanilang Ina naging masikap din kasi ang kanilang ama at unti-unti ay nakaipon sa pagtatrabaho nito sa London. At ngayong araw nga ay uuwi na ang kanilang ama dahil malaki laki narin ang naipon nito upang makapag patayo sila ng negosyo.