Ang kanyang mabigat na paghinga ay naging malanday. Ang kanyang mga mata ay unti-unting nandilim. Nanginginig ang mga labi ni Pyrus na nagpapahiwatig na malapit ng bumitaw ang kanyang katawang pilit na lumalaban sa malaking bantang nakaabang sa kanya. Nawawalan ng laway ang kanyang nanunuyong lalamunan. Heto na ang katapusan niya. Marahil ay tinalikuran na nga yata siya ng tuluyan ng mundo. Malapit na siyang maging malaya. Tanging kamatayan na lamang ang tanging masasandalan sa pagkakataong iyon.
Ang mga nakakabinging halinghing ng mga kabayo ay palapit ng palapit na rin sa kanyang pandinig. Ang mga matining na sigaw ng nga kawal pati na rin ang pagkalampag ng mga metal na dala nito ay nakakarindi sa kanyang taingang nabibingi rin dahil sa lakas ng pagkabog ng kanyang dibdib.
Mula sa ka
