Ang paghahanap para sa kriminal na reyna ay ipinatupad sa araw ding iyon. Nagkagulo ang buong kaharian. Ang mga libulibong kawal ay tila mga langgam na ngayon ay nakasakay sa kanikanilang mga kabayo. Ang mga yabag ng kabayo ay tila mabagsik na lindol dahilan para manginig ang lupain ng Windsor. Ang buong kapaligiran ay napupuno ng mga yabag at halinghing ng kabayong sinanay para sa isang digmaan. Nahati sa apat na batalyon ang mga kawal na naroon. Bawat grupo ng mga hukbo ay naatasang maghanap sa tumatakas na reyna. May mga batalyong patungo sa kapatagan. Mayroon din patungo sa kabundukan. Ang iba ang naatasang halughugin ang mga kabayanan ng kaharian. Tila isang madugong labanan ang magaganap sa sandaling iyon.
Mabilis na kumalat ang pagkamatay ni Deborah. Ngunit ang lahat ng nangyayari
