"Handa na ang lahat, para sa ating mahabang paglalakbay, mahal na prinsipe," ang nakayukong saad ni Calix. "Isang daang hukbo ang aking bibitbitin, nang sa gayon ay makasigurado tayo na kailan man ay hindi makakatakas mula sa ating mga kamay ang aliping ihahatid natin palabas sa kahariang ito," ang kaniyang dugtong.
"Si Pyrus?" sa halip ay tanong niya sa Heneral.
"Ang bihag ay nanatili sa kaniyang silid. Ngunit dinagdagan ko ng lima pang kawal ang magbabantay sa kaniyang kwarto. Nakakadena pa rin ang pintuan gaya ng dati kung kaya ay wala ka ng dapat pang ikakabahala kung sakaling magtangka siyang tatakas sa sandaling wala ka sa palasyo."
Napatango ang prinsipe sa isinaad ni Calix. "Mabuti kung gayon. Bweno, patugtugin na ang mga plawta at trumpeta. Gisingin ang lahat ng mamamayan. Mah
