"Nagagalak kong makilala ka, Milady." Isang pilit at di komportableng bati sa kanya ni Pyrus. "Ako si-"
"Hindi mo na kailangan pang ipakilala ang sarili mo, kamahalan." Ang nakangiting sabad ng babae sa kanya. "Kilala kita," may diing saad nito na tila may nais iparating. Bagamat nakangiti ito ngunit hindi maikakaila ni Pyrus ang malamig na tinig na nagmumula sa bibig ng naturang babae."Kilala ka ng lahat," ang pagpapatuloy pa nito. Isang tipid na tawa ang ang pinakawalan ni Deborah, "Masyadong pormal kung tatawagin mo akong Milady, kamahalan. Tawagin mo na lamang akong Vora."
"Kung gayon, tawagin mo na lang din akong Pyrus," sabay tungo ng ulo upang bigyang pagpupugay ang kaharap.
"Kamusta ka naman bilang asawa ni Trevor?" kapagkuway tanong ng kausap. Ibinaling nito ang paningin sa pri
