Ang mainit na hininga ni Malik na tumatama sa noo ni Pyrus ang nagpagising sa sinisinta pagkatapos ng mahabang araw ng pamamahinga nito. Tatlong araw itong walang malay. Tatlong araw din na nakabantay si Malik sa lalaki.
Walang ni isang minuto ang lumipas na nagawang iwan ni Malik si Pyrus sa silid nito. Hindi na siya makapaghintay pa na muling magkamalay ang kanyang mahal.
Bagamat nagamot na ang mga sugat ni Pyrus ngunit bakas pa rin ang panghihina ng katawan nito. Sa sandaling iyon ay kumikirot pa rin ng labis ang kanyang sugatang braso kung saan siya pinagtangkaang saksakin ni Deborah. Ang kanyang mga kalamnan ay labis pa rin sa pananakit dahil sa matinding pamumulikat. Nilalagnat ang katawan niyang nagsusumingaw ng matinding init dahil sa inspeksyong nanunuot sa sugat nitong pinap
