"Sumumpa ka sa pangalan ng aking kapangyarihan na ang iyong katapatan ay nasa sa akin! Nang ikaw ay nagpakasal sa akin, hindi lang ako ang pinakasalan mo kundi ang buong kahariang Windsor! Bakit?!" puno ng paghihimagsik na pagtatanong ng prinsipe. Hanggang sa sandaling iyon ay hindi siya makapaniwala na kayang pumatay ni Pyrus. Tila bombang ipinasabog sa kanyang harapan na ang lalaking minahal niya ay siya rin pala ang maging dahilan sa mga mitsang nakaantabay sa kanya ngayong wala na ang batang magmamana ng kanyang trono. Dahil iyon sa kanyang reyna, na piniling patayin ang anak sa kabila ng katotohanang dugo at laman ng kanyang reyna ng pinagmulan nito. "Ang lahat ng kasalanan mo ay may kapalit na kabayaran, Pyrus. At gaya ng sinabi ko sa iyo, ako mismo ang maghuhukay ng libingan para s
