CHAPTER 19
Gulat at pagkabigla ang tanging reaksyon ko ngayon. Hindi ko naman inaasahang mauuna pa s’ya sa akin at pupuntahan n’ya talaga ako rito . ‘Di ko maitago ang pananabik ngayong makita s’ya. Ngunit, gaano ko man subukang maging masaya ng buo ay hindi maalis sa aking isipan ang pangyayaring naganap sa akin kanina at hindi ko rin matabunan ang pagkabahala sa naging pag-uusap namin ni mommy.
Nakatingin na ngayon si Alec sa amin ni Gail at hinihintay ang paglapit namin. Malayo pa lang kanina ay ramdam ko na ang paninitig nito. Abala naman sila kuya Kier sa mga kausap n’yang mga blockmates kong kakilala rin nila.
Nang makalapit na kami sa tapat ng room kung saan naroon din sila Alec ay mas bumilis ang kabog ng dibdib ko. Parang kagabi lang naman ay kasa-kasama ko ito, pero baki
