ARAW ng linggo ay nadatnan ko ang amo kong gising na at gaya ng inaasahan ay nakatuon na naman ang atensiyon nito sa harap ng laptop.
"Magandang umaga po, seniorito," bati ko nang makapasok ako ng silid.
Tumango lang siya na hindi ako binalingan. Seryoso ang mukhang kinulikot na naman ang mga dokumento.
Nagkibit balikat na lang akong muling lumabas. Bumaba ako upang kuhanin ang agahan nito.
Gaya ng inaasahan ay nagtanong na naman siya kung kumain na ba ako. Agad akong tumango
Dinala ko ang pagkain niya sa veranda. Hinayaan ko ang amo ko na kumain doon saka ako bumalik sa loob ng silid upang palitan ang bedsheet. Hinawi ko rin ang puting kurtina.
Napasinghap ako nang malayang tumagos ang sinag ng araw sa loob ng silid. Naipikit ko tuloy ang mga mata na ninamnam ang dantay ng init s
