CAROLINE
Dalawang katok sa pinto ang umagaw sa atensyon ko. Saglit na nilingon ko iyon bago dali-daling tinago sa loob ng isa sa mga aparador ang uniporme ko na punong-puno ng mantsa ng dugo. Inilibot ko muna ang tingin sa buong silid para siguruhing walang makikita na nakadududa ang kung sino man na nasa labas ngayon. Pagkuwan ay inayos ko muna ang sarili bago maglakad patungo sa pinto. Marahan ko iyong binuksan at bumungad sa akin si Elexir na nakapamulsa.
“Bakit ho, Sir?” nagtatakang tanong ko rito. Sumilip ako sa kaniyang likuran para tingnan kung pati iyong dalawa ay sumunod sa kaniya ngunit wala naman sila. Bumalik ang tingin ko kay Elexir na hanggang ngayon ay kunot pa rin ang noo.
Mabuti na lang at hindi rito masiyadong napapadpad ang mga katulong, baka kasi kung ano na naman a
