HATING-GABI na nang makauwi si Xin at Nicole buhat sa dinner date nila. Pumayag si Terrence na maiwan sa yaya nito kaya natuloy ang plano niyang i-date si Nicole, kaya lang, hindi naman niya nagawang sabihin ang mga nais sabihin dito sapagkat naduwag siya.
"Gabi na, bukas ka na lang umuwi," sabi ni Nicole sa kaniya.
Sasagot sana siya pero lumapit noon ang yaya ni Terrence.
"Sir Xin, naiwan mo po ang cellphone mo, kanina pa po may tumatawag." Inabot nito sa kaniya ang cellphone niya.
"A, oo, nakalimutan ko nga. Salamat." Kinuha niya iyon dito at tiningnan kung sino ang tumawag.
"Si Terrence, maaga ba s'yang natulog?" tanong ni Nicole sa yaya.
"Opo, Ma'am," tugon ng tinanong. "Medyo nahirapan lang akong patulugin kase hinihintay kayo."
"O, sige, Kate, matulog ka na rin," wika ni N
