NAPASIMANGOT na si Carl Xin dahil sa labis na inip sa paghihintay kay Amber sa labas ng gate. Noon lang niya naisip na dapat pala ay kinuha na niya ang mobile number nito at ini-save sa bago niyang cellphone.
Napahikab siya, kanina pa iyon sa opisina, kulang na kulang ang tulog niya kagabi. Tumanaw siya sa labas ng sasakyan, ilan sa mga dumadaan ay napapatingin sa kotse niya. May mga kababaihan na sinusubukan kumaway at ngumiti kahit hindi naman siya nakikita sa loob dahil sa tinted na salamin ng kaniyang kotse.
Napatanaw siya sa loob ng rehas na gate at nakita niya si Amber na naglalakad sa pathway kasabay si Sam at ang mga kaibigan nito. Nakita niya nang hawakan ng binata ang kamay ni Amber na ikinainis niya.
Kaagad siyang bumaba ng kotse at lumakad palapit sa kinaroroonan ng mga i
