KAAGAD siyang sinabayan ni Sherwin kagaya ng dati pagpasok pa lang niya sa entryway ng company building.
"Good morning, Sir Xin!” masiglang bati nito sa kaniya.
"Good morning," matabang na bati niya na hindi man lang ito tinapunan ng tingin. Hindi pa rin niya nakakalimutan ang nangyari sa bahay nito.
"Heto pala 'yong gamit ni Ma'am Amber, ako na ang nagdala para hindi na magkaroon ng dahilan si Sam na lapitan siya." Iniaabot nito sa kaniya ang bag ng asawa niya.
Tinitigan pa niya iyon bago kinuha. "Salamat," maikling sabi niya.
Magkasabay silang sumakay sa elevator.
"Yong tungkol doon sa nangyari noong Friday, pasensya ka na ulit. Hindi ko talaga alam na siya pala ang tinutukoy ng anak ko na special friend niya, but when I saw her kinausap ko na kaagad si Sam para pauwiin na lang
