INIHAIN ni Nanay Ynes ang agahan nila sa dining table. Hindi kagaya ng dati, tatlo na ang platong naroon, ang baso at mga kubyertos.
Napatitig si Carl Xin sa bagong ayos ng mesa, naninibago siya sapagkat madagdagan man ang bilang ng plato sa mesa ay apat iyon at tuwing weekend lang.
Kumilos siya at naupo. "Hindi pa ba s'ya bumababa?" matabang niyang tanong sa matanda habang nakatunghay sa mga pagkaing nakahain.
"Hindi pa," maagap nitong tugon. "Baka namahay siya kagabi at napuyat kaya marahil ay natutulog pa. Aakyatin ko na lang." Kumilos ito upang gawin ang sinabi ngunit pinigilan niya.
"No," mariing pigil niya rito. "Maupo ka at kumain. Bababa s'ya kung gutom s'ya," inis niyang sabi at 'di sinasadyang napatingin sa pinto kung saan nandoon na pala nakatayo si Amber. Naka-school unifo
