“AH, mayroon, ‘wag kang mag-alala,” sagot ni Lester. Prente itong sumandal sa upuan, pagkatapos ay may tinawagan sa smartphone. Lumipas ang ilang saglit nang walang sumagot ay sumimangot itong tumingin sa screen. “Na’san na ba ‘tong lampang ‘to? Kanina ko pa tinatawagan hindi sumasagot.”
“Ha?” pasimpleng tumalikod si Charlyn at kinuha ang smartphone sa sling bag. Thirty nine missed calls galing kay Lester! At dahil nga naka-silent iyon ay hindi niya napansin. Bakit ba nito tinatawagan si Charl? Muling nag-flash ang number ni Lester sa screen ng smarphone niya, ngunit ibinalik niya ulit iyon sa sling bag.
Inis na ibinagsak ni Lester ang smartphone sa mesa.
“Ah, Lester? b-baka busy lang ‘yung tinatawagan mo kaya hindi nasagot,” paliwanag ni Charlyn.
“Grabe naman
